Know About Us

'Re Bakone ba ntšhi-dikgolo, Bakone baila tlhantlhagane, Bana ba thaba ya magoši, Bakone baila nonyane e podudu, Matlala-sekgoba dinaga tšabo makgolo’ a’ gwe Mokone. Ke leditše molodi Setumong ke kwele ke Mmalebogo borwerwe, Mapela a ntheeletša aba a nkwa, Ke ngwana wa mma re agišane e bile re nyalelane, Ke batho ba bo Tau e tšwago Sekgosese, Lesogana la bopedi ba hlwa ba mošetše morago bare yena Malobane lefšega, O re o tšhaba, o gadime morago

Mokone se letše molodi wa kwala o ka re biletšwa go otla kgwale e robetše, Dikgomo ga di kate marega di duša gobane di ka re folotša, Bakone nkabe ba ipha sekgwari, mokokolome wa Motau badimo ba setumong gona ngwana ke stwanetše, Sekopa le matswaana. Banna ba moletši le mašaedi, lereng le rema morula o entšwe? Le re dinonyana di tla kotama kae? Ke rile ke go kgalema wena mokopane wa ngangabala. Naa ditšhošane tše khwibidu o diiša kae? Gosasa di tlo go tetemetša.

Mokone lefšego la botse , o re o tšhaba o gadime, wa se gadime o tla ya molete mohlaela thupa. Ke sefahlego o makgwakgwa, monna ka mahlong o a siiša. Sefahlego sa monna se mela tshehlo, thepe, mmonyane le lerotho. A tsena ka gare wena morwa Lejakane o a opela, o reng o re go rapela naga ya omelela? Na a wena osa jeng patše, o otišiwa ke eng? Mathaka re goletša mollo o teng. Eyang le letshe Moloto mohlaloga le mmotše le re Mokone bogoši o bo tswaletšwe. Agee Bankone Agee'!